ТIекхочийла долу линкаш

ЦIеххьана кхаьчна хаам!

Гадаев Мохьмад-Салахь. Ши лаам


please wait

No media source currently available

0:00 0:00:58 0:00
Линкана тIе


Гадаев Мохьмад-Салахь

Ши лаам

Ши лаам кхехка,
Ши лаам кхехка:
Цхьаммо дегIах герзаш доьхку,
Вукхо лаьттан чкъоьрнаш оьхку.
Цаьршиммо а цхьанхьа хоьхку
Шайн и чехка ойланаш.

Ши лаам кхехка,
Ши лаам кхехка:
Цхьаммо мостагIчунна кхуьйсу,
Вукхо Iаламашца къуьйсу.
Цаьршиммо а чабол* туьйсу,
Бохуш баккхий толамаш.

Ши лаам кхехка,
Ши лаам кхехка:
Цхьаммо дуьйцу хилларг дера,
Вукхо хиндерг дуьйцу шера.
Цаьршиммо а хIинцалера
Керла адам ду кхиош.

Ши лаам кхехка,
Ши лаам кхехка:
Бекхамечу дераллица,
Толамечу ондаллица,
Цаьршиммо а майраллица
Керла бахам бу хIоттош…
________
* Чабол - сиха болар

Оха хьоьхург

XS
SM
MD
LG