ТIекхочийла долу линкаш

ЦIеххьана кхаьчна хаам!

Кхело кхузза бакъвина талламо ши стаг верна бехкевийриг


Дагестанан Лакхарчу кхело вердикт тIеэцна ши стаг верна, герз лелорна талламо бехкевен Сергокалан кIоштара Магомедшапиев Султан бакъвеш.

2013-чу шарахь некъаца лаьттачу кафе чохь, шена бевзаш боцчу нехан тойнах а кхетта, хан юкъайолале, цаьрца дов а эккхийтина, тапча етташ ши стаг вийна, кхоалгIаниг вен а гIиртина Магомедшапиев, боху талламо.

Цо кхоалгIачунна хьажийна тапча ца яьлла, сакъоьруш Iечара иза эццахь лаьцна, боху талламчийн тоьшаллаша.

Дов шозза теллина бехккъасторхойн коллегеша – 2015-чуй, 2017-чуй шерашкахь. Шоззе а бакъвина Магомедшапиев Султан. Амма къобал ца бира тIаьххьара сацам Оьрсийчоьнан Лакхарчу кхело – керлачу бехккъасторхошка юхалистийта хьажийра дов.

Амма Дагестанан Лакхарчу кхело а бина махкарчу кхечу шина кхело бинна сацам: «Вац Магомедшапиев зуламхо».

"Хуьлуш ду иштаниг. Бехккъасторхой декъахь а болуш, луьстучу девнашна шеггара сацам бойла ца хуьлу кхелахочун. Цара вердикт тIеэцна, стаг бакъвеш велахь, кхин некъ ца буьсу тхуна», - жоп делира «Кавказ.Реалиина» кхузза стаг бехказваккхарх лаьцна шега динчу хаттарна Дагестанан Лакхарчу кхелан пресс-гIоьнчалло.

XS
SM
MD
LG