ТIекхочийла долу линкаш

ЦIеххьана кхаьчна хаам!

Нухажиев: Нохчийн мохк а, къам а бехдан гIерта "Новая газета"


Нохчийчоьнан омбудсмен Нухажиев Нурди

Нохчийчохь оьрсийн омбудсменна Москалькова Татьянина тоьпаш тоьхначу шиннан вежарий гайтина хилла аьлла, шинаридийнахь "Новая газетано" динчу дIахьедарх вистхилла Нохчийчуьра адамийн бакъонаш Iалашъян векал винчу Нухажиев Нурдис.

"Прокуроран декхарш шена тIе а лаьцна, "Новая газетано" бехкейо нохчийн ницкъаллийн структураш буьрса зуламаш лелорна. Бехкбиллина ца Iаш, цара "йина кхел йоцуш, дIабаьхьна талламаш а боцуш", бехкениг билгалваьккхина", - аьлла Нухажиевс.

Цо бахарехь, "кхелахо а, прокурор а хIоьттинчу авторан артиклан тон апелляци йоцуш ю.

"Кхузахь бакъонна а, бехказаллин презумпцина а меттиг бац. Кхузахь хIуъа дина а къам а, мохк а бехбан гIертар ду, - аьлла хета омбудсменна. "Демократин" хьост ду ша а бохуш, пачхьалкхехь бакъо хилийтархьама къийсам латточу "Новая газетано" шога хьоьшуш ю бакъонан принципаш. Кхелан бен бакъо яц зуламхо дIакхайкхо. Низамийн гурашкахь бен болх бан йиш йоцчу хаамийн гIирсийн цхьанна а бехкаш дахка йиш яц", - аьлла Нухажиевс.

Карладоккху, дахначу оршотдийнахь "Новая газетано" юха а артикл арахийцира, 2017-чу шарахь Москалькова Татьянина хьалха Юсупов Шамхан а, Мускиев Махьма а ву аьлла, хIоттийна ши кIант церан ши ваша хилла аьлла.

Хьостано чIагIдо, 2017-чу шеран Дечкен-баттахь Юсупов а, Мускиев а, кхин а 25 нохчо а тIехь къизаллаш а лелийна, байина аьлла.

XS
SM
MD
LG