Великобританехь куп тоьхначу Шеман мониторинган организацин бакъонашларъярхоша хаамбина, Идлиб провинцехь оьрсийн кеманаша динчу тохаршкахь итт маьрша вахархо вийна аьлла. Провокаци ю дина дIахьедар аьлла Оьрсийчоьнан тIеман министралло.
Туркойн "Анадолу" хьостано а яздо, Эриха олучу гIалахь сатосучу заманчохь бепиг дечу гIишлонна а, лазартнена а тIе оьрсийн авиацино бомбанаш йиттина аьлла.
Билгалъяьккхинчу кIоштахь шайн кеманаша тIеман Iалашонаш кхочушъеш а яц, питана таса гIерташ, Iорабоху и хаамаш бохуш, къар ца ло Оьрсийчоь. Ткъа бакъонашлраъярхоша дIахьедо итт вийна, дуккхаъчарна чевнаш йина бохуш.
Шемарчу хьолах дийцарш дина Оьрсийчоьнан а, Туркойчоьнан а Инарла штабийн хьалханчаша. Амма хоуьйтуш дац цара дийцинчух а, хиллачу жамIех а.
Оцу юкъанна туркойн дозанехьа гIерташ бу бIеннашкахь эзарнаш Шеман мухIажирш. Дозане кхин а шайн ницкъаш узуш бу Хонкарас, ишта бронетехника а цхьана. Шемара веана 3, 5 миллион мухIажир ву Туркойчохь дIатарвелла.
