ТIекхочийла долу линкаш

ЦIеххьана кхаьчна хаам!

Гадаев Мохьмад-Салахь. КIанта нене яздина кехат


please wait

No media source currently available

0:00 0:00:47 0:00
Линкана тIе



Гадаев Мохьмад-Салахь

КIанта нене яздина кехат

Пекъар-яI!
Декъаза хьомсар сан нана!
Овдетташ, чов санна, Iийжа-кх
хьан дог.
ГIайгIане къурдаш беш
гIел ма ло, нана,
Сан бахьнех яз ма йиэ
баланийн бог.

Замано лелхийн вай собар дицделла,
Хийла хьакъдоцу дIовш ахь а мели.
Ойлано хьовзийна, вахар дазделла,
Хийла кIант хеназа шел а вели.

Со-м вайчаъ даций, хIай,
даккхийчех зулма.
Селла хьайн дегIана
хорам ма бе,
Дог дахар сийлахь дай
дог дуьллучул-м,
Вовшийн вай гур але,
Дог теший Iиэ.

Мохьмад-Салахь Гадаев вина ГIуран-беттан 6-чу дийнахь, 1909-чу шарахь. 1928-чу шарахь иза Ростовехь рабфаке деша дIехIутту. 1930 шерашкахь иза Нохчийчохь историн а, меттан а, литературин а Iилман-талламан институтехь болхбан волало иза. Лермонтовн а, Толстойн а, Пушкинан а, Некрасовн а, Шевченкон а дийцарш нохчийн матта гочдо. Цу хенахь цуьнан ши киншка арайолу “Ши стаг”, “Буьйсанан дошло”, “Нус”, “Гуьржи”, “Акхалла”, “Хазман”, “Накъостий”, кхиерш а.

1942-чу шарахь иза антисоветан агитаци лелорна а, национал-троцкистийн тобанан декъашхо хиларна а бехке а вой, пхийтта шарана набахти чувуллу. 1957-чу шарахь иза набахти чуьра араволу. 1957-чу шарахь иза Iедало юха а лоцу, нохчийн къам сийсаздина, яздорхо вийна, аьлла, бехке а во. Амма тоьпаш тоха дина таIзар хуьйцу, цуьнан метта 25 шо набахти чохь даккха хан туху цунна.

1972-чу шарахь набахти чуьра ара а волий, Даймахка юхавогIу иза. Араваьлча, псевдонимах пайда а оьцуш, цо дийцарийн гуламаш язбо. 1972-чу шеран ГIуран-баттахь Мохьмад-Салахь кхелха.

Оха хьоьхург

XS
SM
MD
LG