ТIекхочийла долу линкаш

ЦIеххьана кхаьчна хаам!

Кадыров Хьамзат кхерамзаллин Кхеташонан куьйгалхо хIоттийна


Кадыров Хьамзат

Нохчийчоьнан куьйгалхочун Кадыров Рамзанан вешин кIант Кадыров Хьамзат республикан кхерамзаллан Кхеташонан куьйгалхо хIоттийна. Хьалхо Куьршала кIоштан префект вара иза.

Шела кIоштан администрацин куьйгалхочо, Кадыров Рамзанан шичас Ибрагимов Турпал-Iелас бина и хаам, Инстаграмерчу шен пена тIехь.

23 шо долчу Кадыров Хьамзата чекхъяьккхина ЦIонтарара хьафизийн школа а, нохчийн пачхьалкхан университет а. 2018-чу шеран аьхка дуьйна Куьршалан кIоштан урхаллехь вара иза.

Куьршала кIоштан администрацин ханна куьйгалла дан хьалхатеттина Ирасханов Асламбек. 2016-чу шарахь къинхьегаман министран гIовс хIоттийнера иза, ткъа 2017-чу шарера схьа дуьйна бахаман а, латтанан а юкъаметтигашкахула йолчу министраллан урхаллехь вара.

"Кавказ.Реалии" хьостано хаам Iорабаьккхинчул тIаьхьа Ибрагимовс Инстаграмера шен пост дIаяьккхина, делахь а церан аьтто баьлла цуьнан текстан скриншот яккха.

Ибрагимов Турпал-Iелас бинчу хааман скриншот
Ибрагимов Турпал-Iелас бинчу хааман скриншот

Комментареш

New Comments Available

Оха хьоьхург

XS
SM
MD
LG