ТIаьххьарчу кIиранчохь Нохчийчуьрчу Устрада-гIалахь полицино лаьцна вигина меттигера ши вахархо, яздо "Кавказ.Реалиино", (редакцина билггал хууш ю церан цIераш).
Ницкъахоша дIабигинчийн гергарчара дийцарехь, Гудермесская олучу урамехь, гIалин чоьхьарчу гIуллакхийн дакъа лаьттинчу ИВС-хь латтош бу уьш. Верриг а цу чохь латториг 10 стаг ву. Гергарчара бахарехь, наркотикех пайдаоьцуш хилла цара аьлла, шеконашца бигина бу уьш, ткъа шиннан наха чIагIонаш йо, шайн кIентий наркотикашца боьзна бацара бохуш.
