Дукха хан йоцуш Нохчийчохь муьлш бу ца хуучу наха йиттинчу "Новая газетан" журналисто Милашина Еленас кхайкхам бина Оьрсийчоьнан Талламан комитетан куьйгалхочуьнга Бастрыкин Александре, шена а, адвокатана Дубровина Маринина а Соьлж-ГIалахь тIелатар дар талла аьлла. Цунах лаьцна хаам бо "Новая газето".
Журналистана а, адвокатана а тIелатар динера Соьлж-ГIалахь кху беттан 6-хь. "Континент" хьешан хIусамна хьалха динна тоба тIелетта хиллера цу шинна. Милашинас дийцарехь, царна йиттинарш бара коьртачу декъана зударий.
Милашина а, Дубровина а Соьлж-ГIала яханера Кадыров а, цуьнан а го а беха хIусамаш гойтуш видео яккхарна кхеле озийначу Нуханов Исламан суьдан кхеташонехь дакъалаца.
