ТIекхочийла долу линкаш

ЦIеххьана кхаьчна хаам!

Гацаев СаьIид. Цхьаъ велош йогIу хьо...


please wait

No media source currently available

0:00 0:00:56 0:00
Линкана тIе

Гацаев СаьIид

***

Цхьаъ велош йогIу хьо,
Цхьаъ велхош йогIу хьо,
Цхьаъ велош гIур ю хьо,
Цхьаъ велхош гIур ю хьо,
Там, цатам – шиъэ а
ТIебахьаш йогIу,
Там, цатам – шиъэ а
ТIебахьаш гIур ю.

Мел дукха еза хьо
Кийрарчу дагна
Цу Iаьнан шелонехь
Хьан малхах хьегна,
Цу Iаьнан дорцалахь
Баце сатийсина,
ХIинццалац эцаза
Марзонаш йиссина.

Маржа яI, бIаьсте, хьо
Мел хаза йогIу,
Маржа яI, бIаьсте, хьо
Мел хаза йоьду,
Кийрара дог доьлуш
Мел хаза йогIу,
Кийрара дог доьлуш
Мел хаза йоьду.

Со валарх, со виссарх
Ахь эшарш лекха,
Со валарх, со виссарх
Нуьре кIеж тийса,
Зевнечу маьхьаршца
Iуьйре самъяккха,
Сан дог мел делхарах
Кхин дегнаш хьеста.

Гацаев СаьIид Вина 1938 шарахь Веданахь. Иза поэт, драматург ву. Царех цхьаерш («Бале ваьлла нуц», «Пелхьонаш»). Цуьнан стихаш тIехьдаьхна халкъо дезаш тIеэцна дуккха иллеш ду: «Сан хьоме Нохчийчоь», «Сом хьан варий, Нохчийчоь», «Сийна бIаьсте», «Хьокъаьхьа ловзар», кхиерш композитора Даудов Рамзан, И. Мусхабовс мукъамаш даьхна Темирбулатова Сиржана, Межидов Сахьаба,кхечара дIаолуш долу.

Цуьнан цхьайолу стихаш нохчийн назманийн, узамийн кепехь язийна ю СаIидан. Уггаре евзаш йолчех ю цуьнан ТемирбулатоваСиржана мукъамаш баьхна дIаолуш долу « Алаза дош», «Сан илли», Суна хьо еза», «Лулахо» ,«Сийна бIаьсте».

КХИН А
XS
SM
MD
LG