ТIекхочийла долу линкаш

ЦIеххьана кхаьчна хаам!

Лаьцна латточу гIалгIайн жигархочо Чемурзиев Бараха шолгIа арз дахьийтина Европан кхеле


Чемурзиев Барах

Магасехь хиллачу гуламца доьзна лаьцна волчу Чемурзиев Бараха шолгIа арз дахьийтина Страсбургерчу адамийн бакъонийн кхеле.

«Правовая инициатива» («Бакъонан инициатива») проектан векалша дийцира «Кавказ.Ркалиига» цунах лаьцна: Европан кхеле ша хьажийначу шолгIачу орзехь Чемурзиевс билгалдаккхина, ГIалгIайчуьра гулам маьрша Iалашонаш йолуш а бара, иза йоьдучу муьрехь гуламхоша низам а ца талхийна, аьлла.

Оьрсийчоьно шена тIехь ечу кхелехь агIонашна къовса магош йолу принцип талхайо, аьлла ду Чемурзиевн арз.

Нальчик гIалин кхелан сацамца Чемурзиев Барах лецира 2019-чу шеран Охан-беттан 3-чу дийнахь. Кхиволу массех гIалгIайн жигархо а санна, иза бекево Iедалан белхахошна дуьхьал ницкъ баккхарна.​

«Кавказ.Реалиино» довзийтина ма-хиллара, стохка Зазадоккху-беттан 26-чу дийнахь Магасехь гулам хIоьттира, цуьнан декъашхоша Iедал бехкедира, доза къастош шайн мехкан латта Нохчийчоьнна дIахадийна аьлла. Цул сов, гуламхоша мехкан куьйгалхочун дарж дита декхаревора хIетахь мехкан коьртехь лаьтта Евкуров Юнус-Бек. ШолгIачу дийнахь акци дIасалахка баьхкира ницкъхой, вовшахлетира гуламхой а, полици а.

XS
SM
MD
LG