Оьрсийчоьнан регионашлахь уггар а дукха нах интернете буьйлу Apple компанино арахецначу телефонашчухула аьлла, зераш дина "Яндекс.Метрики" интернет-сервисо. ХIоттийначу рейтингехь къаьстина, уггар а дукха айфонаш Москвахь а, Москван кIоштахь а хилар. Ишта царна тIаьхьа ю Къилбаседа Кавказан пхи регион: ГIалгIайчоь, Дагестан, Кхарачойн-Чергазийчоь, ХIирийчоь, Нохчийчоь.
Сервисо бинчу талламашца, 22 процентера 27 проценте гергга бу оцу регионашкара Айфонашкахула интернете буьйлурш.
Даим а къаьсташ бу кавказхой, езачу хIуманашка безам хиларца. Масала, масех шо хьалха оьрсийн рейтингехь лидершлахь яра ХIирийчоь, Bentley машенаш алсамхиларца.
