COVID-19 уьнах мохк ларбен барамаш чIагIбеш ю Гуьржийчоь.
Премьер-министра Гахария Георгийс хаийтина Iедало фитнес-клубашна, спа-салонашна, маршрутан таксешна болхбан доьхкуш хиларх лаьцна.
Тбилисехула бахархошна дIасалела магадо юкъарчу транспортаца, ткъа церан салонаш молханашца юьлу хIора дийнахь.
«Вирус яьржайоьлла пачхьалкх ю Гуьржийчоь, цундела оьшу дуьхьало ян», - билгалдаьккхина Гахарияс.
Делахь а, яц, цо бахарехь, махканна карантин кхайкхош.
Абхазина а, Къилба ХIирийчоьнна а вирусца къийсам латтон оьшу хьелаш ша кхачор дуйла хаийтина гуьржийн Iедало.
"Оккупаце эцначу мехкийн бахархошна оьшшу гIо дан кийча ду тхо», - аьлла Гахарияс.
- 34 стаг ву Гуьржийчохь коронавирус кхетта. Шина кIиранна хьешашна шайн дозанаш дIакъевлуш ду пачхьалкхо тховса.
