ТIекхочийла долу линкаш

ЦIеххьана кхаьчна хаам!

65 шарал тIехбевллачу бахархошка чохь саца аьлла Москван мэро (+видео)


Карарчу беттан 26-чу дийнера карабогIучу беттан 14-чу терахье кхаччалц 65 шарал тIехбевллачарна а, дIа ца йолучу цамгаршца болу нах а чохь совца беза аьлла, дIахьедина Москван мэро Собянин Сергейс. Цу кепара омра мэрин сайтехь зорбане даьккхина ду.

Цу категори юкъа богIу белхахошка цIера болх байта беза куьйгалхоша, я мукъабита беза, алапа а луш, боху мэро.

Хьакалуш дац и омра лоьрех а, болх сацон йиш йоцчу хьукматех а, индустрех а.

Ишта документ тIехь билгалдаккхарца, цIерачу режиме баьхначу бахархошна 4 эзар сом гIоьнна ахча а кхачор ду.

"2 эзар сом юьхьанца дIалур ду, важа 2 эзар карантин чекхйолучу заманчохь лур долуш ду, нагахь санна, режиман низам аш лардина делахь", - аьлла Собянина.

Нагахь санна, церан телефонаш тIехь ахча дацахь, зIенан операторша
телефонашна блок тоха ца еза, коммуналан декхар хьедича
детта гIуданаш а совцор ду цхьана ханна.

Москварчу къанойн йиш хир ю волонтерашка гIо деха а, я маьхза юург, я молханаш шайна цIа даийта а.

Оршотдийнан статистикаца, 438 коронавирусан ун даьлларг ву Оьрсийчохь.

Комментареш

New Comments Available

Оха хьоьхург

XS
SM
MD
LG