ТIекхочийла долу линкаш

ЦIеххьана кхаьчна хаам!

Карантин йохийначарна таIзарш дарх лаьцна низам тIеэцна Оьрсийчоьнан Пачхьалкхан Думо


Соьлж-ГIала тахана, гайтаман сурт

Карантин йохийначарна таIзарш дарх лаьцна низам тIеэцна Оьрсийчоьнан Пачхьалкхан Думо, хаам бо "Новая газето". Бехктакхаман кодексна тIехь бинчу хийцамаша бакъо ло хIинца карантинан раж йохийначу нахана таIзарш дан, тайп-тайпанxe барамехь гIуданаш а, 7 шаре кхаччалц набахтехь яккха хенаш а тухуш.

Иштта дуккха а нахана ун а, дIовш а долуш санитаран а, эпидемиологин а низамаш дохорна гIуда тухур ду 500 эзар соьман тIера 1 миллион соьме кхччалц барам болуш я и гIуда хир ду 3-5 шарахь бехкевинчун догIучу алапан барамехь. Цул сов низамо бакъо ло и стаг 3 шаранна набахте хьажо.

Нагахь низам дохор бахьана долуш адам деллехь я иза цо леррина дина хиллехь бехкечун гIуда тухур ду 2 миллион сом барамехь я иза чувуллур ву 5 шаранна. Ткъа шиннал сов стаг веллехь хан тухур ю 7 шо.

Оьрсийчохь карантинан раж йохийначу нахана таIзарш дар хьокъехь дан дезарг кечдар тIедожийнера премьер-министро Мишустин Михаила Юстицин а, Чоьхьарчу гIуллакхийн а министраллашна.

Комментареш

New Comments Available

Оха хьоьхург

XS
SM
MD
LG