ТIекхочийла долу линкаш

ЦIеххьана кхаьчна хаам!

Советан маршал хиллачу Коневна хIоттийна хIоллам вовшахбаьккхина Прагехь


Советан пачхьалкхан маршална Конев Иванна хIоттийна хIоллам вовшахбаьккхина Чехин коьртачу гIалахь Прагехь пIераскан дийнахь. Цу хьокъехь сацам бинера стохка Прага-6 гIалин кIоштан кхеташоно. Иза вовшахбоккхур болу де билгалдаьккхина дацара.

Прага-6 кIоштан куьйгалхочо Коларж Ондржейс хIоллам дIабаккхарна комментарий йина: "Цуьнан юьхьтIехь туьтмIажиг яцара. Низам лардан деза массара а – ураме вала йиш яц, бага а, мара а хьулбина бен".

Чехехь карарчу хенахь коронавирус бахьана долуш юкъаяьккхина ю дерриг а къоман карантин. Юкъараллин меттигашкахь гучувала мегаш дац туьтмIаьжиг йоьллина бен. Дихкина ду дуккха а адамаша дакъалоцу мероприятеш дIаяхьар.

ХIоллам кхечу меттиге билггала тахана дехьабаккхар доьзна ду процедуран хаттарш эххаре а кхочуш дина довларца, аьлла Прага-6 кIоштан векало.

Маршалан хIоллам дехьабаьккхина Прагехь кхуллучу 20-чу бIешаран Музей хир йолчу меттиге.

Комментареш

New Comments Available

Оха хьоьхург

XS
SM
MD
LG