ТIекхочийла долу линкаш

ЦIеххьана кхаьчна хаам!

Хангошвили вер политикаца дузу Германин Iедало


Хангошвили Зеламха

Берлинехь Гуьржийчоьнан вахархо Хангошвили Зеламха Оьрсийчоьно вейтинчух тера хета Германин Iедална, зуламна бухахь политика го цунна, хаамбо немцойн коьртачу шахьарахь керланаш даржочу Der Tagesspiegel-о.

"Цунах тоьшалла до бундестагерчу «Баьццарчийн» партин чоьхьарчу гIуллакхийн декъан куьйгалхочо Михалич Иренас 2019-чу шеран динчу политикан зуламийн хьокъехь дахьийтинчу кехатна дуьхьал Iедалера кхаьчначу жоьпо. Марсхьокху-беттан 23-чу дийнахь Оьрсийчуьрчу Красиков Вадима Маобит кIоштахь коьртах герз тоьхна вийна Гуьржийчуьра нохчо», - боху Inopressa газетехь динчу гочдаро.

Der Tagesspiegel-о. дагадоуьйту "Красиков зулам дина хан ялале лаьцна» хилар. Хангошвили вер «политикаца доьзна хиларх шеко йолуш, ах шо ду дов листар Федералан прокуратуро шега дIаэцна», - боху газето.

"Стаг вен зуламхо Германе хьажийнарг Путинан Iедал я халкъанна тIехь урхалла къизачу кепехь лелорца билгалваьлла Нохчийчоьнан куьйгалхо Кадыров Рамзан хуьлучух тера ду. Вийна волчу Хангошвилис Оьрсийчоьнна дуьхьал тIом бина гIаттамхойн могIаршкахь, Гуьржийчоьнехьа хилла иза Москваца кхонфликт иккхича а», - яздо Der Tagesspiegel-о.

Комментареш

New Comments Available

Оха хьоьхург

XS
SM
MD
LG