Дийнахь-бусий 10 миллион черма барамехь мехкадаьтта даккхар лахдан барт бина ОПЕК+ пачхьалкхаша шайн кхеташонехь, хаам бо ТАСС агенталло, оцу дийцаршкахь дакъалоцучу шен хьастана тIе а тевжаш. Цо дийцарехь, цу кепара Оьрсийчоьно а, СаIудийн Пачхьалкхо шаьш доккхучу мехкадаьтан барам лахбийр бу хIораммо а 23 процентана.
ОПЕК олучу мехкадаьтта духкучу вовшахтохаралло а (The Organization of the Petroleum Exporting Countries), мехкадаьтта доккхучу кхечу пачхьалкхаша а дийцарш дIадаьхира еарин дийнахь, иза дийнахь-бусий даккхаран барам 20 миллион чермана лахбар хьокъехь. Церан Iалашо ю, коронавирусан пандеми яьржаш а йолуш, цIеххьана охьадевлла мехаш цхьана тIегIантIехь сацо, яздо "Американ аз" зорбан гIирсо.
Дийцарш чолхе девллера ОПЕК олучу мехкадаьтта духкучу вовшахтохараллан лидерна СаIудийн Пачхьалкхана а, оцу блокана юкъахь йоцчу Оьрсийчоьнна а юкъахь гамо эккхарна. Делахь а, хьастанаш дийцарехь, церан аьтто баьлла маслаIат каро.
"Иза глобалан бертадахар ду", - билгалдаьккхина ОПЕК-ан хьастано.
Коронавирус сацо гIерташ гIулчаш йохуш а йолуш, мехкадаьттах пайда эцар лахделла хIора дийнахь 30 миллион черма барамехь. Brent олучу мехкадаьттан мах бу тахана 18 шо хьалха ма хиллара.
ХIинца цуьнах доккху 35 доллар цхьана черманах. И мах шозза лахара бу 2019 шо чекхдолуш хиллачуьнца буьстича. Оцо вуно чIогIа тохар дина мехкадаьтта духкучу пачхьалкхийн бюджеташна а, Америкехь яккхийн харжаш ян дезаш сланцан мехкадьатта даккхарна а.
Цкъа а ца хиллачу кепара мехкадьатта даккхар лахдира ОПЕК-ан декъашхоша 2008-чу шарахь финансийн кризис иккхинчу хенахь. Оцу хенахь хьехориг дара хIора дийнахь доккхучу мехкадаьттан барам лахбар 2 миллион 200 эзар чермана.
ОПЕК-ан векалша дийцара, дагалаьцначу барамехь мехкадаьтта даккхар лахдан аьтто бера бу, нагахь Цхьаьнатоьхначу Штаташа цунна гIортор яхь бохуш. Амма Вашингтон лууш яцара цу юкъахь дакъалаца.
"шу европхой ду, я бусулбанаш ду?"... Вай бусулбанаш а ду Даламукълахь, ткъа вайн мохк Европан цхьа дакъа хиларе терра европейцаш а ду. Ша хаттар нийса х1оттийна дац Хедин. Ворх1азза дуста цкъа хададе, - олуш ду.
Суна ч1ог1а кхаъ хилла вайн Нохчи маттахь сайна ца хааьрг 1амо меттиг аша йукъа йаьккхина .Дела реза хуьлда шуна,Дала аьтту бойла.
Hinca xeraboevli shuna uesh. Cera mahkax hun lelash du?
Nohchii du, beduinash dac