Мартазанов Iабдурахьман, ГIалгIайчоьнан муфти, кхелхина тахана. Массех де дара иза, коронавирус кхетта хиларх шеко йолуш, дарбан цIийне виллина, амма Москвара схьакхачаза дара тестан жамI, хаам баржийна ГIалгIайчоьнан премьер-министран декхарш кхочушдечу Сластенин Владимира РБК агенталле.
«Тахана дIаваьлла, диагноз къастош ю» - жоп делла агенталлина ГIалгIайчоьнан муфтин гIовса Сароев Адама.
63 шо дара Мартазанов Iабдурахьманан.
«РИА Новости» а, «Интерфакс» а агенталлаша, мехкан могашаллин министраллерчу информацина тIе а тевжаш бахарехь, муфтис дIаеллачу тестца ун карийна хилла меттигерчу лоьрашна.
