Нохчийчуьрчу муфтиято цхьана ханна юкъахдаьккхина керла доьзал кхуллучу шинна юкъахь шариIатехь там-мах бар. ТАСС агенталле бина и хаам оршотдийнахь регионерчу динан урхаллан зорбанчаша.
«Муфтийс Межиев Салахьа дIахьедар дина, шариIатехь там-мах бар официалехь сацош ду, эпидемиологин хьал чIагIдаларца доьзна аьлла», - билгалдаьккхина муфтиятан пресс-гIуллакххоша.
Нохчийчохь 49 стаг ву коронавирусан ун даьлла. Пхиъ велла, 15 дарба а хилла, цIа вахийтина.
Оршотдийнахь дуьйна туькана, я молханаш эца воьдучунна карахь бакъо хила еза аьлла, керла раж юкъаяьккхина Нохчийчохь. Дозанашкахь контрол латтор а чIагIдина.
