Нохчийчуьрчу ГТРК "Вайнах" телекомпанин директор хIотторца журналист Веселаева Рузана декъалйина мехкан куьйгалхочо Кадыров Рамзана, хаам бо "Вести Республики" газето.
"Ша жима елахь а, доккха зеделларг долуш, хьекъалца, къинхьегам безаш стаг ю иза", - аьлла цу хьокъехь вистхуьлуш Кадыровс.
ХIинццалц "Грозный" телеканалан директоран гIовс а, информацин программийн редакцин куьйгалхо а яра Веселаева.
2006-чу шарера дуьйна "Вайнах" телеканалана урхалла деш вара Ельсаев Аламахьад. Карарчу хенахь иза ву Нохчийчоьнан куьйгалхочун зорбан гIирсашкахула хьехамча. Ельсаев декхарелахь вина зорбан гIирсаш а, республикан яздархойн барт а тергонехь латто.
