Дийнахь-буса Къилбаседа Кавказехь коронавирусах велла виъ стаг. Карийна ун кхин а 598 стагехь.
Коронавирусана духьалоечу Оперативан штабо бечу хаамца, кхелхинчех шиъ Ставропол-махкара ву, цхьацца ву ГIалгIайчуьра а, Краснодар-махкара а.
101 стаг кхелхина Къилбаседа Кавказехь ун даьжичхьана схьа.
Дийнахь-буса уггаре дукха нахаца карийна COVID-19 Дагестанехь – 160.
Штабо коронавирус яржарца тIаьххьарчу дийнахь довзуьйту хьал ишта ду:
- Дагестан +160 (1958 верриг)
- ГIебарта-Балкхаройчоь +105 (739 верриг)
- Краснодар-мохк +96 (1340 верриг)
- Къилбаседа ХIирийчоь +79 (1069 верриг)
- Ставропол-мохк +57 (788 верриг)
- ГIалгIайчоь +53 (918 верриг)
- Нохчийчоь +30 (583 верриг)
- Кхарачой-Чергазийчоь +11 (441 верриг)
- Адыгей +7 (185 верриг)
Юьхьанца дуьйна Къилбаседа Кавказехь коронавирус кхетта хиларца билгалдаьккхина терахь ду 8021. Оперативан штабан хаамца, ерриг а Оьрсийчохь 145 268 стагоца карийна коронавирус.
