Къилбаседа ХIирийчуьрчу Ардон кIоштан дарбан хIусамера медйиша дIаяьлла реанимацехь. Лабораторино COVID-19 кхетар тIечIагlдинера цунна.
"Цамгар цIахь лайра цо, амма дарбан хIусаме йигира чIагIъелча. Вирусо халчу даьккхинера цуьнгара хьал", - боху Ардонерчу муниципалитетан официалерчу инстаграм-аккаунтехь.
Виъ медицинан белхахо велла пехийн цамгарх Къилбаседа ХIирийчохь тIаьххьарчу кIиранах. Хьалхо хаам баьржира поликлиникера а, дарбан хIусамера а цхьацца лор а, медицинан орцан машенлелорхо а кхалхарх лаьцна.
Тесташкахула 1 575 стагаца хааелла вирус Къилбаседа ХIирийчохь Стигалкъекъа-беттан 10-чу денна.
