ТIаьххьарчу дийнахь-буса Къилбаседа Кавказехь коронавирусах 4 вахархо велла, кхин а 493 цомгуш хилла.
Уьнна дуьхьалоечу Оперативан штабан хаамца, ши стаг Ставропол-махкахь дIаваьлла, цхьацца – Нохчийчохь а, Краснодар-махкахь а. Юьхьанца дуьйна Къилбаседа Кавказехь COVID-19 уьнах велла 162 стаг.
Краснодар-махкахь дукха бу дийнахь-буса цомгуш хилларш – 94 вахархо.
Регионера хьал иштта ду:
- Краснодар-мохк - керла дархой 94 (2 699 юьхьанца дуьйна)
- Дагестан +89 (3460)
- Къилбаседа ХIирийчоь +75 (2 165)
- ГIебарта-Балкхаройчоь +65 (1 824)
- Ставропол-мохк +65 (1 530)
- ГIалгIайчоь +35 (1 515)
- Адыгей +32 (430)
- Нохчийчоь +23 (966)
- Кхарачой-Чергазийчоь +15 (666)
COVID-19 цамгар кхетта ерриг а хенахь Къилбаседа Кавказерчу 15 255 вахархочунна. Ткъа ерриг Оьрсийчохь и терахь ду 290 678.
