ТIекхочийла долу линкаш

ЦIеххьана кхаьчна хаам!

Кадыровга шен воI схьалахар доьху Нохчийчуьрчу яхархочо. ТIеман духарахь хиллачу наха вигна иза


Гайтаман сурт

Нохчийчуьрчу яхархочо Хаджиева Зинас мехкан куьйгалхочуьнга Кадыров Рамзане дехна шен воI Хаджиев Эдуард лохуш гIодар – камуфляж лелочу наха дIавигна иза.

Москвара Охан-беттан 3-чу дийнахь цIавеъча, карантинехь Iийна иза шина кIиранах. Охан-беттан 17-чу дийнахь, куьпан полисхочо мага а дина, туькана вахана Хаджиев. Оцу хенахь иза бевзаш боцчу, камуфляж йоьхначу наха лоцуш гина лулахошна, хаам бо OC-media портало.

ШолгIачу дийнахь полице яхана Хаджиева Зина шен воI хоьттуш, шаьш иза ца лаьцна, аьлла цигахь, схьаэцна цуьнгара воI варах долу арз.

Охан-беттан 22-чу дийнахь шен кIант вайнийла хаийтина зудчо Талламан комитетан а, ФСБ-н а урхаллашна.

Бутт баьлла, амма шен кIантах шена хууш хIума дац Iедалера, боху Хаджиевас. Цундела дина цо Стигалкъекъа-беттан 17-чу дийнахь социалан машанашкахула Кадыровга дехар а.

Нохчийчохь шайн нах барах хаамаш баржор дуьххьара дац кху муьрехь. Охан-баттахь Аьхкинчу-Борзера (Ассиновская) яхархочо а дийхира Кадыров Рамзане вайна волу Хайхароев Мохьмад мукъавоккхуш гIодар. ТIехьош цхьа а бехк а боцуш, пхоьалгIа бутт бу Хайхароев лаьцна латто, бохура зудчо.

Чиллан-беттан 10-чу дийнахь Соьлж-ГIала садаIа ваххарх вайна ву Дагестанера кхо вахархо – 30 шо долу Алиев Ниллан а, 35 шо долу Мустафаев Сеидайдин а, 62 шо долу Аскеров Хьаьким а. Царах цхьаммо интернетехула Кадыровна тIехь бегаш беш видео яржийначу сахьташкахь байна и нах, боху гергарчара.

Комментареш

New Comments Available

Оха хьоьхург

XS
SM
MD
LG