ТIекхочийла долу линкаш

ЦIеххьана кхаьчна хаам!

ГIалгIайчохь вийна ши тIемало


Иллюстративан сурт

ГIалгIайчуьрчу Сунжехь хиллачу лерринчу операцехь байина меттигера бахархой Мерешков а, Оздоев а. Талламан органаша дина иштта дIахьедар, яздо "Интерфакс" агенталло. Хаамийн гIирсашкахь яздира, шоьтан дийнахь оперативан штабо Сунжехь контртерроран операци дIакхайкхорах, гIали чохь герзаш деттарна.

Полисхойн хаамца, штурм еш, гучубаьхнера гIаттамхой. Операцехь вийна ши тIемало, хаам бина меттигерчу полицин декъерчу хьасташа.

Шо доладелчхьана республикехь дIаяьхьна кхоалгIа операци ю хIара. Лерина операци ерзийначул тIаьхьа Сунжа гIалахь бехкзуламан гIуллакх диллина шина артиклехь: "Ницкъаллийн структурийн белхахошна тIекхийдар" а, "Хьалххе барт а бина, цхьана тобано бакъо йоцуш герз лелор" а аьлла, яздина Оьрсийчоьнан ГIалгIайчуьрчу Талламан комитетан сайтехь.

"Интерфаксо" Iорадаьккхина, талламчийн органашкарчу шайн хьасташна тIетевжина, теракташ ян Iалашо хиллачу тIемалойн цIераш йовзийтина аьлла. "ГIалгIайчуьра Мерешков Билан а, фамили Оздоев йолу кхин а цхьаъ а ву", - яздина хаамийн гIирсо.

Комментареш

New Comments Available

Оха хьоьхург

XS
SM
MD
LG