ТIекхочийла долу линкаш

ЦIеххьана кхаьчна хаам!

"Антифа" болам терроризман статусе баккха воллу Трамп


Фашизмана, расизмана духьалоен дуьненаюкъара "Антифа" болам (цIе кхоьллина "anti-fascism" терминах – ред.) шен администрацино террорхойн вовшахтохараллин декъа дӀаязбийр бу, аьлла кIиранан дийнахь Американ Цхьаьнатоьхначу Штатийн президента Трамп Доналда.

И дIахьедар цо дина твиттерехь, пачхьалкхерчу дуккха а гIаланашкахь гуламаш, кхийолу акцеш йоьлхучу юкъанна – полисхочо Миннесотехь афроамерикахо веро гIаьттина протест йижанза ю хIинца а. 46 шо долу Флойд Джордж вуьйш шен-шен дакъа лаьцначу веа полисхочунна тIехь кхел яр доьху протестхоша.

Акцешкахь дакъалоцучара йохайо, ягайо, пачхьалкхан объекташ, къоланаш до, ницкъ бо цхьаболчу нахана.

Reuters агенталло бахарехь, хууш дац мел бу протестхошлахь "Антифа" боламан декъашхой. Миннесота штатерчу халкъан кхерамзаллин департаментан куьйгалхочо Харрингтон Джона ша Стигалкъекъа-беттан 31-чохь еллачу пресс-конференцехь хаам бина, шоьтан дийнахь лецначу акцийн декъашхойх 20% Миннесота штатера нах а бац, аьлла. Шена цкъачунна билггал ца хаьа, шоьтан сарахь лецнарш мел дукха бу, аьлла Харрингтона.

Трампа дуьххьара олуш дац шен твиттерехь "Антифах" ‘террорхойн болам’. Оццу маьIнехь ду политикаша-консервативаторша ден дIахьедарш а.

Билггал хууш дац, гIоьртар ю я яц Трампан администраци "Антифа" боламна террорхойн цIе тилла. Амма иза дан гIортахь, вуно дукха федералан агенталлаш, хьукматаш шена тIетовжийта дезар ду президентан, боху Reuters-о.

Комментареш

New Comments Available

Оха хьоьхург

XS
SM
MD
LG