ТIекхочийла долу линкаш

ЦIеххьана кхаьчна хаам!

Оьрсийчуьрчу рэперо ах миллион сом хьажийна коронавирусах бала хьоьгучу Дагестане


Рэпера Алексеев Ивана (псевдоним Noize MC) ша язйинчу керлачу эшарх шена хиллачу ахчанах дакъадина коронавирусана дуьхьаллаьттачу Дагестанерчу дарбан хIусамашна.

"Вай тайп-тайпана ду, оцо дукха хьолехь новкъарло а йо вайна юкъара мотт каро. Делахь а, вай лулахой ду кху йоккхачу пачхьалкхехь. Цхьана хIусаме бохам боьссича, буссу иза лула а ", - аьлла Алексеевс, ша муьлхачу ойланца екъна шен гонорар дагестанхошца дуьйцуш.

Цо бахарехь, яьккхинчу керлачу эшарх цунна делла аванс ду Дагестане хьажийнарг – ах миллион сом. И ахча дIакхаьчна республикерчу лоьрашна гIоьнна схьайиллинчу "Вблагодарность" ("Диканна дуьхьал") цIе йолчу фонде.

Ала догIу, ша ахча хьажош, Алексеевс аьлла дешнаш ду Дагестанан къаьмнех болчу суьйлийн маттахь.

Комментареш

New Comments Available

Оха хьоьхург

XS
SM
MD
LG