ТIедогIучу оршотан дийнахь малбан болор бу ГIалгIайчохь эпидемица боьзна бахархошна хIиттийна бехкамаш.
Оцу хьокъехь омра арахецна мехкан куьйгалхочо Калиматов Махьмуд-Iелас. Белхаш бан йолалур ю бахархойн хьашташ кхочушден меттигаш, хIуманаш тоьгу а, юьтту а фирмаш, юристийн хьукматаш.
Шайн роже йоьрзур ю автовокзалаш а, «Магас» аэропорт а. Болх бан юьйлалуш ю 400 еакӀов метре ца кхочу туьканаш а, ерриг дарбан хIусамаш а.
Делахь а, тIехь дуьсу вахархочунна маска лелор, 65 шарал воккхаверг сацавезар ву цкъачунна цIахь. ТIера ца долу сих-сиха дезинфекци яр а.
ТIаьххьарчу кIиранах коронавирус кхеттачу нехан терахь лахдала доьлла ГIалгIайчохь. Уьнна дуьхьалоечу Оперативан штабо бахарехь, цомгуш хиллачех 60% нах тобелла. Таханенна йолчу официалан информацица, COVID-19 хьакхаелла махкахь 2 307 стагах.
