Къилбаседа Кавказехь тIаьххьарчу дийнахь а, буса а кхелхина коронавирусан уьнах 12 стаг. Вирус къаьстина кхин а 567 вахархочуьнца.
Оперативан штабан хаамца, Дагестанехь кхелхина пхи дархо, ГIебарта-Балкхаройчохь а, Ставрополан кIоштахь а шишша, Краснодаран махкахь а, Нохчийчохь а, Кхарачой-Чергазийчохь а цхьацца велла.
Эпидеми яьржичхьана Къилбаседа Кавказехь верриг а велларг ву 588 стаг.
Къаьсттина ун даьлла нах дукха билгалбевлла Дагестанехь – 112:
- Дагестанехь +112 (5 970 ву эпидеми яьржичхьана)
- Ставрополан кIоштахь +88 (3 167)
- Краснодаран махкахь +86 (4 485)
- ГIебарта-Балкхаройчохь +76 (3 424)
- Кхарачойн Чергазийчохь +74 (1 654)
- Адыгейхь +44 (1 069)
- ГIалгIайчохь +26 (2 368)
- Нохчийчохь +20 (1 365)
COVID-19 вирус гучуяьлчхьана Къилбаседа Кавказехь ун даьллера 26 826 вахархочунна. Йоллу Оьрсийчохь коронавирусан ун даьлла, оперативан штабан зерашца, 476 658 стагана.
