ТIекхочийла долу линкаш

ЦIеххьана кхаьчна хаам!

Москвахь полисхошна герз диттина, шиъ лазийна


Москварчу Ленинан майданахь герзаш диттина, лазийна некъан автоинспекцин ши белхахо. ТАСС агенталло бахарехь, вочу хьолехь ву цхьаъ царах, цунна операци йина лоьраша.

Baza телеграм-каналан информацица, полисхойн машенна леррина тIе а вахна, герз диттина уллехула тIехволучу стага. Цхьаболчу хаамашца, травматикан тапча ю йиттинарг, кхечу хьостанаша бахарехь – тапча-герз. Иза билгалдаккхаза ду цкъачунна.

Хьалхо яздора массех агенталло, шен документаш талла сацийначу таксисто диттина герз, бохуш. ТIаьхьо и информаци харцйира Москван полицин урхалло, герз диттинарг тIехволуш хилла стаг ву, аьлла. Цунна а кхетта герз ша лоцучу муьрехь, боху хаамийн гIирсаша.

"Интерфаксо" билгалдоккху герзахо ГIалгIайчуьра схьаваьлла 24 шо долу Галаев Ратмир хилар. Муьлхачу бахьаница цо тапча йиттина дуьйцуш дац цкъачунна.

Комментареш

New Comments Available

Оха хьоьхург

XS
SM
MD
LG