ТIекхочийла долу линкаш

ЦIеххьана кхаьчна хаам!

Къилбаседа Кавказехь дийнахь-буса уьнах велла 10 стаг, цомгуш хилла – 516


ТIаьххьарчу дийнахь-буса Къилбаседа Кавказехь 10 вахархо велла коронавирусах, 516 цомгуш хилла, Оьрсийчоьнан уьнна дуьхьалоечу оперативан штабан хаамца.

Белларш бу: Дагестанера – виъ, Краснодар-махкара – кхоъ, ГIебарта-Балкхаройчуьра – шиъ, Нохчийчуьра – цхьаъ.

Верриг а Къилбаседа Кавказехь коронавирусах велла 696 стаг.

Дийнахь-буса а, хьалха дуьйна а коронавирус шайца хилар билгалдаьлларш:

  • Ставропол-мохк + 101 (4349)
  • Кхарачой-Чергазийчоь+ 85 (2815)
  • Дагестан + 85 (7188)
  • ГIебарта-Балкхаройчоь + 75 (4436)
  • Краснодар-мохк + 64 (5440)
  • Къилбаседа ХIирийчоь + 31 (3768)
  • Адыгей + 30 (1541)
  • ГIалгIайчоь + 24 (2806)
  • Нохчийчоь + 21 (1600)

Ун даьржичхьана Къилбаседа Кавказехь цунах цомгуш хилла 33943 стаг, ткъа ерриг Оьрсийчохь - 584 680. Иштта ду Оперативан штабо гойту терахьаш.

  • Къилбаседа Кавказехь ун даржарца лидер лаьтта кху тIаьххьарчу кIиранашкахь Ставропол-мохк а, Кхарачой-Чергазийчоь а. Массех баттахь и хьалхе шегахь латтийра Дагестано. Амма хIинца Дагестанехь коронавирусца долу хьал цхьана готтачу хорша дирзина, боху Оьрсийчоьнан могашаллин министралло.
  • Федералан статистика кест-кеста хуьлу регионашкарчу терахьашца галморзахъюьйлуш, яздо Маршо Радион оьрсийн сервисо. Эксперташа дуккхаза а бехкаш бехкина регионашкарчу урхаллашна бакъдолу терахьаш лахдарна. Амма мехкийн куьйгалхоша иза бакъ ца до.

Комментареш

New Comments Available

Оха хьоьхург

XS
SM
MD
LG