ТIекхочийла долу линкаш

ЦIеххьана кхаьчна хаам!

Къилбаседа ХIирийчуьрчу ковид-центрашкахь 6 баттахь 601 стаг велла


Коронавирусан уьнах болчу нахана дарбадан Iалашонца йиллинчу Къилбаседа ХIирийчуьрчу дарбан хIусамашкахь эха шерачохь кхелхина 601 пациент. Карарчу шеран хьалхарчу кварталехь пехашка хи хIоьттина кхелхира 24 стаг, кхин а 577 стаг велира Охан-баттера Мангал-батте кхаччалц. 66 стеган билггал коронавирус хилар тIечIагIдинера тесташа. Пневмони лазар чIагIдаларца кхелхира дукхахберш.

Цу тайпа зераш далийна республикан могашаллин министралло. Доккхачу декъанна, пневмони къаьстира 8 465 стагаца. Царех ах нах дарбан хIусамашка охьабехкира.

  • Де хьалха БуьритIерчу коьрта ковид-центр лоручу клиникехь дIахьедира, Къилбаседа ХIирийчохь коронавирусан инфекцица болчу нехан терахь лахлуш ду, амма кхуьуш ду чолхечу хьолехь пневмони токхуш болчу неханиг аьлла.
  • Товбеца-Беттан 23-чохь могашаллин министралан статистикаца, республикерчу ковидан стационарашкахь дарба деш ву 248 стаг, царах 30 коронавирс хьакхаелла. Реанимацехь ву 29 дархо.

Комментареш

New Comments Available

Оха хьоьхург

XS
SM
MD
LG