Шемара 26 бер далош догIу кема оршотан буса Подмосковьерчу Чкаловн цIарахчу аэродромехь охьадоьсина. Коронавирусан пандеми яьржичхьана, тIеман министраллан хьалхара рейс ю иза, яздо "Интерфаксо".
Оьрсийчу кхачийна бераш дIасалур ду Дагестанерчу а, ГIалгIайчуьрчу а, ГIебарта-Балкхаройчуьрчу а церан гергарчу нахе аьлла, агенталле дийцина Оьрсийчуьрчу берийн бакъонаш Iалашъечу Кузнецова Аннас.
"Пансионате дIадуьгуш ду хIинца 26 бер. Цигахь ши кIира хан йоккхур ю цара. Церан гергара нах а хир бу цаьрца цхьана. 1 шарера 6 шерашка кхаччалц хенаш йолуш ду царлахь 23 бер", - аьлла Кузнецовас.
Омбудсмено бахарехь, "дайх-нанойх хеддарш латточу хIусамашкахь карийна цхьадерш, берийн важа дакъа набахтешкара арадаккха ницкъ кхаьчна".
Кузнецовас билгалдаккхарехь, кхин а 3-4 рейс ян тарло бераш далош.
- Кху шеран Чиллан-баттахь Оьрсийчоьнан берийн бакъонашларъярхочо Кузнецовас хаам бира, Шемара 26 бер цIа кхачорах а, кхин а 73 даймахка дерзо кечдеш хиларх а. ХIетахь Шеман къилбаседанерчу Аль-Холь куьпара далийра Нохчийчу ши бер.