ТIаьххьарчу дийнахь а, буса а динчу зерашца, Къилбаседа Кавказехь 12 пациент велла коронавирусан инфекцех, ун даьлла кхин а 570 стагана.
Эпидеми ца яржийта вовшахтоьхначу оперативан штабо дIахьедарца, Краснодаран кIоштахь кхелхина пхи дархо, Ставрополан кIоштахь виъ, Дагестанехь шиъ, ГIебарта-Балкхаройчохь цхьаъ.
Пандеми яьржичхьана верриг а Къилбаседа Кавказехь COVID-19 вирусах велларг ву 1 184 стаг.
Къаьсттина дукха бу ун даьлларш ГIалмакхрйчохь – 132 пациент:
- ГIалмакхойчохь +132 (4 269 ву эпидеми чуеачхьана)
- Ставрополан кIоштахь +128 (11 985)
- Краснодаран махкахь + 87 (11 208)
- Дагестанехь +71 (10 999)
- Кхарачой-Чергазийчохь +49 (5 115)
- ГIалгIайчохь +29 (4 397)
- ГIебарта-Балкхаройчохь +26 (6 514)
- Адыгейхь +22 (3386)
- Къилбаседа ХIирийчохь +21 (4 922)
- Нохчийчохь +5 (2 270)
Таханалерачу зерашца, Къилбаседа Кавказехь 64 676 стаг ву коронавирусан ун даьлла. Йоллу Оьрсийчохь билгалваьлла 995 319 стаг.
- Федералан статистика ца йогIу меттигашкарчу терахьашца. Даржхоша цуьнан бахьана дузу пачхьалкхан коьртачу урхаллашкахь а, меттигашкахь а статистика лелоран кепаш тайп-тайпана хиларца.
