ТIекхочийла долу линкаш

ЦIеххьана кхаьчна хаам!

Оппозиционерна-редакторна Майсиговна 5 шо хан тохар дехна ГIалгIайчоьнан прокуратуро


Iедална критика ярца евзачу "Фортанга" порталан хиллачу редакторна, шегахь наркотикаш карорна а, сепаратизманна а бехке вечу Майсигов Рашидна набахтехь даккха 5 шо хан тохар дехна кхеле ГIалгIайчоьнан прокуратуро. Оцу хьокъехь хаам бина Кавказ.Реалиига Майсиговн адвоката Аушев Мохьмада.

Адвокат тешна ву бехк доцчунна тIехь кхоьллина хиларх, цо дехна Майсигов мукъаваккхар. Гезгмашин-беттан 15-чу дийнахь хир ду девнан рогIера ладегIарш, пренешкахь къамел дийр ду бехкевечун шолгIачу адвокато.

Аушевс бахарехь, сепаратизманна Майсигов бехкевеш айдина шолгIа гIуллакх цкъачунна листа долоза ду кхело.

  • 2019 шеран аьхка лецира Майсигов Рашид, бехке во наркотикаш лелорна. 2020 шеран Чиллан-баттахь, сепаратизм кхайкхош ву аьлла, Росфинмониторинго иза язвина сепаратистийн могIара. Оцу хьокъехь цунна дуьхьал айдина кхин а цхьа дов.
  • Телеграмехула "Фортанга" канало бовзийтара Нохчийчоьнна а, ГIалгIайчоьнна а юкъахь къастийначу дозанна резабоцчу бахархойн Магасерчу дуьхьалонан гуламера хаамаш. Гулам бохийначул тIаьхьа долийра цуьнан жигархой лецар.

Хьажа комменташка

Комментареш

New Comments Available

Оха хьоьхург

XS
SM
MD
LG