Тоьлла ларалучу латархойн UFC юкъараллера дIа а волуш, шен спортан карьера йита воллу ша, элира Абу-Даберчу "Латархойн гIайри" тIехь Америкера Гейджи Дастин а эшорца шоьтан буса кхозлагIа а чемпион ваьллачу Дагестанерчу латархочо Нурмагомедов Хьабиба.
Нурмагомедов "кхосаберг" ярца (вовшахтесначу шина кога легаш Iовдарца) тоьлла шолгIачу раундехь.
КхозлагIа йоккхуш ю Нурмагомедовс UFC-н чемпионан титул. Цкъа а эцна воцуш, 29-0 ю цуьнан рекорд. Гейджи кхозлагIа эшна, 22-зза тоьлла UFC-хь, хаам бо Спорт.Ру портало.
Sherdog рейтинго дуьнентIерачу латархошлахь тоьлла лоручийн могIарахь шолгIаниг хилла Нурмагомедов ваьккхина хьалхарчу метте.
Спортхочо жигара дакъалоцу Дагестанан дахарехь. Яхначу буса ХIинжа-ГIалин урамашкахь вуно дукха нах бара цо Гейджина тIехь толам баккхар даздеш.