Со
Со цIеран чIурам бу богуш,
Мел багарх баьгна ца болуш,
ХIиллане, ямарт бу бода.
ЦIе йогун чIу бу со Iодан.
ГIора ду. Са ду сан деттан.
Сара бу со бIаьрга кхетта .
Со цхьаннан ца хилла ирс ду.
Со цхьаннан ца кхиъна кIант ву.
Некъ бу со некъах дIакхетта.
Чиркх бу со малхана летта,
Дагчу а тарлучу Лаьттахь
Нийсоно шен каралаьцна.
Хьарам сий, хьарам и рицкъа,
Ондаллин Iовдала ницкъ а
Серлонна некъ болчохь готта
Нийсонах къутIа дой гIовтту.
Амма са,
Са ду сан деттан.
Со цIий ду тIулга тIехь детта.
Со лар ю къийсинчу стеган,
Со ботт ю кхихкинчу деган.
Къематан буьйсанехь хьийзан
Хьаьрк ю со Къематан- дийнан.
Со дош ду дагах схьадаьлла
Сан дас кху дуьнене аьлла!
04.07.1998 ш.