Бералла
Хуьлура сол а сов йогуш
Бералла сан - деган гIан
ХIумма а ца дуьссу, бохуш,
Дуьненчохь тхойшинна дан.
И-м гIала хиллера йоккха.
Буьххьехь гуш тхуна тхайн ирс.
ХIетахь сатийсинчул доккха
Ас хIун ди? ХIун ди ас нис?
Шен шело чекхйохуш чкъурах,
ХIун дисси, бохуш, соь дан ?
Хьийзаш ю цу гIалахь суна
Ирс санна ца тоъна хан.
Бер доьду дIогахь, мохь бетташ,
Цунна тIе карчийна хIоз.
Дуьне а, хIинца со кхетта,
Довзалий хиллера моз.
1973 ш.
