Индозин Iедало бинчу хаамца, шоьтан дийнахь хIорда чу "Сривиджая Эйрлайнз" авиакомпанин кема чудоьжначохь карийна цуьнан дакъош. Кема ирхдаьллачу пхоьалгIачу минотехь хаьдда цуьнца зIе. 62 стаг хилла кеманца, экипажах 12 а волуш. Дийна ца висина цхьа а.
Джакартера Понтианаке (Малхбузера Калимантан провинци) доьдуш хилла кема. КIирандийнахь кеманах бисинчу орца кхайкхочу гIирсан сигналца билгалъяьлла бохам хилла меттиг, хаам бина Би-би-си копрорацино. Кема чудоьжначу метте таллама-орцан ницкъаш хьовсийна.
Джакартерчу полицин векала журналисташна хаийтарца, хин бухара хьалайохуш ю экипажан хIуманаш а, беллачийн декъеш а.