ТIекхочийла долу линкаш

ЦIеххьана кхаьчна хаам!

ОМОН-н белхахойх тийсавелла Джумаев шайх дIахадийна цуьнан дехоша


Нохчийчоьнан парламентан спикерца Даудов Мохьмадца хиллачу цхьаьнакхетарехь, Москвахь полисхошна дуьхьал тийсавеллачу Джумаев Сайд-Мухьаммадан дехоша дIахьедина, иза цкъа а гина а вац, дуьненчохь вуйла а ца хаьара шайна аьлла.

"ХIинца сайна иза гайтича, суна вевзар вацар-кх иза. Иза винчул тIаьхьа шозза бен гина вац суна, хIинца цуьнан 20-21 шо делахь а. Нанас хьалакхиина ву иза, сан вешица дIакъаьстинчул тIаьхьа", - аьлла девашас Джумаев Абубакара. Сайд-Мухьаммадан шичас, шена иза вуйла хиина а дац боху.

Нагахь санна, и кIант шен нахаца уьйраш йолуш хиллехь, оппозиционеран Навальный Алексейн некъа тIе ваьлла хир вацара иза, боху Даудовс. Иштта, спикерна хетарехь, нохчий цкъа а ца лела митингашка, шаьш реза доцург юьхьа дуьххьал дIаолу цара.

20 шо долчу Джумаевн да-нана дIасакъаьстина хилла, иза жима волуш. Нанас, ГIалгIайчуьрчу Мархиева Лизас, хьалакхиина ву иза, яздо ресурсо.

Маршо Радионо яздира, кху беттан 23-чохь Москвахь Навальный дIахецар тIедожош хIоттийначу митингехь омонхошна дуьхьало ярх Джумаев Сайд-Мухьаммада. Видео интернетехула яьржинчул тIаьхьа полицино лехамашка веллера иза.

Еарин дийнахь лецира Джумаев Псковн кIоштахь. Оьрсийчоьнан дозанехула дехьа а ваьлла, Прибалтикехь къайлавала Iалашо хилла цуьнан. Джумаевс лелош хиллачу мобилан телефонца аьтто баьлла, иза волу меттиг билгалъяккха.

Социалан машанашкахь яржийначу видео тIехь гуш ду, куьйгашца а, когашца а жимачу стага шена тIе гIожамаш еттачу ОМОН-ан эскархошна дуьхьалоеш.

"Бакъволу къонах", "киборг бохуш, дуккха а комментареш йитира Сайд-Мухьаммадах баккхийбечу наха видеона бухахь.

Iедалшкара пурба а доцуш, хIоттийначу акцехь полисхошна тIе куьйгаш даьхьна аьлла, бехкзуламан гIуллакх диллина Джумаевна дуьхьал.

Фейсбукан агIонехь петици яржийна нохчаша, Джумаев бехке вац, иза маьршаваккхар тIедожош.

Хьажа комменташка (1)

ХIара форум дIакъевлина ю.

Коьрта теманаш

Оха хьоьхург

XS
SM
MD
LG