Нон-грата кхайкхийна Оьрсийчоьно кхо дипломат. Уьш бу Швецин а, Польшин а, Германин а Москварчу векалташкара. Цара дакъалаьцна "2021-чу шеран Дечкен-беттан 23-чу дийнахь хиллачу низамехь йоцчу акцешкахь" аьлла довзийтина дипломаташ махкахбахаран бахьана. Гарехь, хьехориг бу оппозиционеран Навальный Алексейн агIолоцуш наха хIиттийна протестан гулам.
Карарчу хенахь Москвахь вахана ву Европан Бертан арахьарчу гIуллакхийн урхаллин куьйгалхо Боррель Жозеп. Цкъачунна цо яланза ю хиллачуннна комментари. Оьрсийчоьнан дипломатин куьйгалхочуьнца Лавров Сергейца къамел деш цо аьлла, Навальный а, лецна кхобу кхиберш а дIахеца беза Оьрсийчоьно. Хьалхо Европан Берто ша саготта юйла хаийтира Оьрсийчоьно бахархошкара протестан машаре акцеш хIитто йолу бакъо хьешарца доьзна.