ТIекхочийла долу линкаш

ЦIеххьана кхаьчна хаам!

Соьлж-ГIалин школашкарчу классашкахь видеокамераш хIиттор ю


Гайтаман сурт

Дуьйцург дIа а яздеш, яххьаш къастош видеокамераш хIиттон дагахь бу Соьлж-ГIаларчу школан массо а чоьнаш чохь. Цул совнах, онлайнан рожехь дешаран процессан видеомониторинган юкъарчу системе ерзор ю шахьарера 60 сов дешаран хьукмат. Соьлж-ГIалин мэрин цIарахчу дешаран департаменто хьалхатеттинчу пректан барамаш ишта бу, яздо "Чечня Сегодня" агенталло.

"Билгалдаккха догIу, гIалин массо а школашкахь хIинцале а дIахIиттийна, болх беш ю видеокамераш. Ткъа цара гойтург коридорашкахь а, дешаран хьукматан уьйтIахь дерг а бен дац, бераша а, хьехархоша а классашкахь дийриг хууш дац. Оцу бахьанашца берийн дайшна-наношна а, хьехархошна а юкъахь цакхетамаш буьту. Цундела лаьа царна ган а, хаа а хьехархочун а, дешархочун а юкъара уьйр а, зIе а муха ю", - аьлла, хаамбина агенталле Соьлж-ГIалин мэрин векалша.

Оцу системица хуур ду хьехархойн белхан хенех а, иштта дешархой школана юкъарбийларх а, боху урхалло.

Студенташна а, школашкарчу дешархошна а камера тIехь йолу а, интернете вала аьтто лун а гIирсаш шайца цхьана доьшийлашка кхехьа дехка деза аьлла, хьийхира кху деношкахь ГIалгIайчоьнан куьйгалхочо Калиматов Махьмуд-Iелас.

"Берийн хаарш лакхадахархьама а, дисциплина нисъян Iалашонца а, ишта, коьртачу декъанна, ца оьшучу контентан тIеIаткъамах уьш ларбархьама а" коьрте деана шена аьлла, кхетийра цо.

Коьрта теманаш

Оха хьоьхург

XS
SM
MD
LG