Къилбаседа Кавказерчу кхаа вахархочунна ницкъаша стаг вадорна кхел йийр ю, хаам баржийна аннекси йинчу ГIирмера РИА "Новости Крым" агенталло.
Талламо бахарехь, Нохчийчуьра Ялте веъначу кхаа стага стохка аьхка вадийна меттигера вахархо, боккхачу барамехь ахча даккха гIиртина цуьнгара. Амма ахча каралучу муьрехь лецна талорхой Оьрсийчоьнан ФСБ-н ГIирмерчу урхаллин белхахоша.
Карарчу муьрехь лецна, изоляторехь латтош бу бехктакхаме ийзийнарш. Бехк буьззина тIеэцна цара шайна. Лохуш ву Iедало цаьрца хилла кхин а ши стаг.