ТIаьххьарчу дийнахь-буса коронавирус кхеттарца билгалваьлла 20 пациент велла Къилбаседа Кавказехь. Цамгар гучуяьлла кхин а 357-нца.
Уьнна дуьхьалоечу Оперативан штабан информацица, Краснодар-махкахь COVID-19 цамгар кхеттачу нахах велла 12 стаг, Ставропол-махкахь – 4, Къилбаседа ХIирийчохь – 2, Дагестанехь а, ГIебарта-Балкхаройчохь а – цхьацца.
Пандеми йолаелчхьана схьа Къилбаседа Кавказехь, официало чIагIдарехь, уьнах велла 8645 стаг.
Уггаре дукха бу коронавирусо дийнахь-буса лецна нах Краснодар-махкахь – 109 стаг.
Дийнахь-буса а, ерриг хенахь а COVID-19 цамгар хьакхаелларш:
- Краснодар-мохк + 109 (42 808 ерриг а заманахь)
- Ставропол-мохк + 83 (50 870)
- Дагестан + 41 (31 221)
- ГIебарта-Балкхаройчоь + 40 (22 962)
- ГIалмакхойчоь + 25 (20 055)
- Кхарачой-Чергазийчоь + 14 (19 743)
- Къилбаседа ХIирийчоь + 16 (16 401)
- ГIалгIайчоь + 10 (15 158)
- Нохчийчоь + 10 (11 704)
- Адыгей + 9 (14 140)
Таханенна Къилбаседа Кавказехь верриг а коронавирус лаьцнарг ву, Iедалан терахьашца, 245 062 стаг. Ерриг а Оьрсийчохь и цамчар кхеттачийн терахь ду, Оперативан штабера Охан-беттан 3-чу дийнналц йолчу информацица, 4 580 894.*
*Оьрсийчоьнан официалан статистико шена чуоьцу аннекси йинчу ГIирмера хьал.
