ТIекхочийла долу линкаш

ЦIеххьана кхаьчна хаам!

Европе вахначуьра Путинца цхьанакхета дагахь ву Байден Джо


Байден Джо, Американ Цхьаьнатоьхначу Штатийн президент

Американ Цхьаьнатоьхначу Штатийн президенто Байден Джос дIахьедина, белхан хьокъехь Европе вахначу заманчохь, ша реза хиларх Товбеца-баттахь Iамеркахойн а, оьрсийн а саммит дIаяхьа, яздо Свобода Радионо.

"Со цуьнга дог дохуш ву. Цу тIехь болх беш ду тхо", - хаам бина президенто Байдена, шинарийн дийнахь журналистийн хеттаршна жоьпаш лучу хенахь.

Президентан дарже хIоьттинчул тIаьхьа дуьххьара Британе воьдуш ву Байден Джо, Товбеца-беттан 11-чу дийнера 13-че кхаччалц хинйолчу G7 тобанерчу пачхьалкхийн лидершца цхьанакхета.

Товбеца-беттан 14-чохь Брюсселе гIура ву иза НАТО-н мехкийн-декъашхойн саммитехь дакъалаца, цул тIаьхьа Евробертан пачхьалкхийн куьйгалхошца леринчу цхьанакхетаре ваха дагахь ву.

Американ а, Оьрсийчоьнан а саммит дIаяхьа шен лаам хиларх хаийтира Байдена Охан-баттахь, Iамеркахойн тергамчашна дагахь доцург дара иза

Оьрсийчоьнан президентца Путин Владимирца кхозлагIчу махкахь цхьанакхета кийча ву ша аьлла Байден Джос, шина пачхьалкхана юкъара гIоьртина хьал кхин тIе а чIагIдаларан проблемех лаьцна дийцарш дIадахьа. Оцу проблемашлахь ю - Украинана Оьрсийчоьно латтон кхерам а, Американ компьютерийн машанашна Оьрсийчоьно еш йолу кибератакаш а, Оьрсийчохь Навальный Алексейна а, цуьнан агIончашна а беш болу тIеIаткъам а.

Путинан хьехамчас Ушаков Юрийс бахарехь, тIетаьIIина дIахьош белхаш бу шина президентан цхьанакхетар нисдалийта. Товбеца-беттан муьлхачу дийнахь цхьанакхетар нисдийр дара, дуьйцуш ду.

Коьрта теманаш

Оха хьоьхург

XS
SM
MD
LG