ТIекхочийла долу линкаш

ЦIеххьана кхаьчна хаам!

Зулам дарна шеко йолуш Нижневартовскехь лаьцна Кадыровн векалан гIоьнча


Гайтаман сурт

Ханты-Мансийскан автономин гонехь Нохчийчоьнан куьйгалхочун векалан гIоьнчо Сайдаев Iелас а, цуьнан накъосто-полисхо а т1елатар дина Азербайджанера схьаваьллачу стагана, цуьнан машен а ядош. Цунах лаьцна хаам бина низамаш лардон органашкарчу хьастано URA.RU агенталле, яздо Кавказ.Реалиино.

"Сайдаев полисхочуьнца цхьаьна садоIуш хилла "Твоя Чайхона" кафехь. Дов даьлла. И шиъ гIоьртина стагера миллион сом а, Lexus машен а яккха. Къастораш латаре дирзина, эшам хиллачу стеган мочхал кагдина. Зулам дарна шеко йолу и шиъ цуьнан машенахь къайлаваьлла", - даладо шен хьастано дийцинарг URA.RU агенталло.

Инцидент хиллачул тIаьхьа полисхо ханна балхара дIаваьккхина хилар тIечIагIдина Ханты-Мансийскан автономин гонан МВД-н урхалло. Болчу хаамца, эшам хилларг ву Нижневартовскан вахархо, ткъа Сайдаевгахь хилла Нохчийчоьнан куьйгалхочун векалан Орзалиев Iадланан гIоьнчан кехат. Орзалиевс хилларг бакъдо.

Нагахь Сайдаев а, цуьнца хилла полисхо а бехке ларахь цаьршинна хIоранна 15 шо хан тоха мегаш ю зулам дарна.

  • 2020-чу шарахь Товбеца-баттахь Оьрсийчоьно аннекси йинчу ГIирмехь лаьцнера Нохчийчоьнан куьйгалхочун Ивановн кIоштахь волу векал Эдильсултанов Iийса. Бинчу хаамца, иза бехке веш вара хьарамлонца ахча даккхарна а, харц тоьшаллаш дарна а.
  • 2017-чу шарахь Украинехь лецира Нохчийчоьнан куьйгалхочун дуьненаюкъарчу уьйрашкахула волчу гIоьнча Цицулаев Рамзан. Цунна экстрадици йира Оьрсийчу. Иза бехке веш ву адам лачкъорна а, ахча даккха гIортарна а. Цуьнан гIуллакх дIакхачийна суьде.

Хьажа комменташка

Коьрта теманаш

Оха хьоьхург

XS
SM
MD
LG