Нохчийчоьнан куьйгалхочо Кадыров Рамзана ша шеко йолуш хиларх лаьцна хаийтина республикан куьйгалхочуьнан харжамашкахь ша дакъалацар хьокъехь. Цунах лаьцна сацам бан иза талла дагахь ву юкъараллина хетарг.
"Нагахь ур-атталла масех процент бахархой сан кандидатурина дуьхьал хилахь, со харажамашка ваха дагахь вац", - хаам бина Кадыровс Стигалкъекъа-беттан 19-хь "ВКонтакте" социалан машанехь.
Цо дагадаийтина кхушара Гезгмашин-баттахь Цхьааалин кхажтасаран дийнахь Нохчийчохь кхаа тIегIанхь харжамаш хила безаш хилар – федералан а, регионалан а, муниципалан а.
- Кадыров Нохчийчоьнна куьйгалла деш ву 2007 шарахь дуьйна. ТIаьххьара хиллачу харжамийн официалан жамIашца а догIуш, 2016-чу шарахь цо гулдира 97,56% кхаьжнаш.
- Кадыров вевзаш ву шен девне дIахьедарш дарца. Кху деношкахь цо ша хIаллаквийр ву аьлла кхерам тесира инстаграммерчу цхьана комментарехь шех шайтIа ду аьллачу кхиазхочунна. Цуьнан дас а, гергарчара а хIинцале а кIинтIера валар дехна Кадыровга.