Тутмакхийн эла ларалучу, ГIалгIацчуьра схьавалар долчу Сутулый Ахьмада (Евлоев Ахьмад) кхеле елла Оьрсийчоьнан финансийн министралла. Шега изоляторехь сов даккхийтинчу 17 дийнан мах охьабилла боху цо, хаам бо Mash телеграм-канало.
Шега и денош ша шозза лаьцна волуш такхийтина маршонах ваьккхина, цкъа кхо де сов, тIаккха – ши кира сов, боху цо. Оцу харцонна дуьхьал Сутулыйс доьху 189 эзар сом, денна догIург 11 эзар сом а лоруш.
2009-чу шарахь лецира Евлоев наркотикаш лелорна, амма тутмакхийн элас уьш ешна бухакхийсина, бохура.
2020-чу шеран Гезмашин-беттан 25-чохь Москварчу прокуратуро тIечIагIбина Евлоевна тIебаьхьна бехк.
Хьалхо хаам баьржина Къилбаседа ХIирийчохь велла Оьрсийчуьра уггаре воккха тутмакхийн эла Гогичаев Эльбрус (Абуз), аьлла.
- Зазадоккху-бутт боьрзуш кхеле хьажийна Краснодарский Кобин дов. Криминалан гонашкахь Краснодар-махках, Адыгейх, Ростов-махкахь «доп луш» вара иза.
