ТIаьххьарчу дийнахь-буса Къилбаседа Кавказехь уьнахх велла 22 пациент, цомгун хилла кхин а 244 вахархо.
Уьнна духьалоечу оперативан штабан хаамца, Краснодар-махкахь кхелхина COVID-19 цамгар кхетта 12 стаг, Ставропол-махкахь – 5, Кхарачой-Чергазийчохь – 2, Адыгейхь, ГIалмакхочохь, Дагестанехь – цхьацца. Пандеми йолаелчхьана коронавирусах велла Къилбаседа Кавказехь 10 131 стаг.
Массанхьачул даккхий дараш ду Краснодар-махкахь, уггаре лахара ду бохаман терахьаш Адыгейхь а, Нохчийчохь а.
- Краснодар-мохк + 91 (47 858 ерриг а пандемин хенахь )
- Ставропол-мохк + 34 (54 449)
- Дагестан + 37 (33 353)
- ГIебарта-Балкхаройчоь + 15 (24 240)
- Карачаево-Черкесия + 11 (20 369)
- ГIалмакхойчоь + 11 (20 744)
- ГIалгIайчоь + 10 (15 708)
- Къилбаседа ХIирийчоь + 9 (16 956)
- Нохчийчоь + 8 (12 231)
- Адыгей+ 8 (14 628)
Таханенна Къилбаседа Кавказехь коронавирус кхетта хаавелларг ву 260 546 стаг. Ерриг Оьрсийчохь и терахь кхаьчна 5 017 795 стаге*
*Оьрсийчоьнан официалан статистик пшена чулоцу аннекси йинчу ГIирмера хьал.
