ТIекхочийла долу линкаш

ЦIеххьана кхаьчна хаам!

ГIалгIайн "Генезис" юкъаралла арахьарчу агентийн могIарера дIаяьккхина


Коммерцица йоьзна йоцу гIалгIайна "Генезис" юкъаралла дIаяьккхина арахьарчу агентийн тептарера. Цуьнан куьйгалхочо Дзейтова Маретас бина ишта хаам.

"Генезис" реестре яьккхичхьана цхьана а кепара болх беш яцара иза, амма гIуданаш деттара цунна: цкъа 300 эзар сом, фонд "арахьара агент" хиларх юкъаралхоша шаьш схьа ца хаийтина аьлла. ШолгIа -100 эзар сом гIуда туьйхира Дзейтована шена, инстаграмехь "арахьара агент" аьлла, статус билгал ца яьккхина аьлла.

Организацино юха а дIаболийна шен болх. Арахьарчу агентийн статусе йоккхуш сацам бар а, гIуданаш деттар а къовсур ду "Генезисан" адвокаташа Стасбургерчу кхелехь, хаам бина Дзейтовас.

"Меттигерчу юстицин министралло таллам бича къаьстина, стохка Зазадокху-баттахь дуьйна оха цхьа а болх бина цахилар. Иштта, низамца цхьана а догIуш, сацам бира фонд арахьарчу агентийн реестрера дIайоккхуш. Официалехь юридикан министралло цунах хаам ца бира тхоьга. Арахьарчу агентийн тептаре хьажа церан портала тIе яьлча, тидам хилира сан, тхо цаьрца цахиларан", - дийцина Дзейтовас.

Хьалхо къаьстира, бIе эзар соьмана гIуда тIедожорах Дзейтована.
Стохка Марсхьокху-баттахь "Генезис" фондо латкъам бира Европерчу адамийн бакъонехула йолчу кхеле, шайн лаамехь "арахьарчу агентийн" реестрехь регистраци ян дуьхьал девлча, шайна гIуда тохарх.

Хьажа комменташка

Коьрта теманаш

Оха хьоьхург

XS
SM
MD
LG